عورتن جي ترقي جي کاتي ۽ جاپان انٽرنيشنل ڪوآپريشن ايجنسي (جائڪا) ۽ اسپارڪ (سوسائٽي فار دي پروٽيڪشن آف دي رائيٽس آف دي چائلڊ) سان گڏجي ٽنڊو الهيار ۾ سرن جي بٺن تي ڪم ڪندڙ عورتن کي بااختيار بڻائڻ لاءِ هڪ آگاهي سيشن جو انعقاد ڪيو ويو. سيشن جو مقصد انهن عورتن کي سرڪاري ۽ غير سرڪاري ادارن سان ڳنڍڻ ۽ انهن جي حقن بابت آگاهي ڏيڻ هو. ان تقريب جو اهم ڪم عورتن کي انهن جي قانوني حقن، سماجي خدمتن تائين رسائي، ۽ مالي ۽ پيشاورانه مدد جي موقعن بابت معلومات فراهم ڪرڻ هو. سرن جي بٺن تي ڪم ڪندڙ گهڻيون عورتون سخت محنت، قانوني تحفظ جي گهٽتائي، ۽ تعليم ۽ صحت جي سهولتن تائين محدود رسائي جهڙن مسئلن کي منهن ڏين ٿيون. ان حوالي سان محنت ڪش عورتن ۽ انهن لاءِ دستياب مددگار نظامن جي وچ ۾ دوري کي ختم ڪرڻ هو. عورتن جي کاتي جي سينئر ماھر نفيسيات سيده قره العين شاهه چيو ته گهٽ آمدني وارين عورتن جي مدد لاءِ سرڪاري اسڪيمن تي روشني وڌي، جن ۾ سکيا، هنر جا پروگرام ۽ مالي مدد موقعا شامل آهن. هن چيو ته جائڪا پائيدار روزگار جي اھميت تي زور ڏنو آهي ۽ ٻين علائقن ۾ به ساڳئي طرح جون ڪامياب ڪوششن جون مثالون پيش ڪيون آهن. سيشن کي خطاب ڪندي قرت شاهه چيو ته “عورتن جي ترقيءَ واري کاتي پاران عورتن کي انهن جي حقن بابت آگاهي ڏيڻ ۽ انهن کي اهي وسيلا فراهم ڪرڻ طرف هڪ اهم قدم کنيو ويو آهي جيڪي انهن جو حق آهن.” سيشن ۾ موجود عورتن سيشن جي انعقاد تي وومين ڊولپمينٽ ڊپارٽمينٽ جو شڪريو ادا ڪيو ۽ چيو ته هنن گڏيل ڪوشش سان صنعتن ۾ ڪم ڪندڙ عورتن جي زندگين کي بهتر بڻائڻ ۾ مدد ملندي جيڪا هڪ اهم پيشرفت آهي.
