عورت سان اجتماعي لڄالٽ واري ڪيس جي ٻڌڻي، عورت پاران جوابدار ڄاڻايل شخص کي سڃاڻڻ کان انڪار، جوابدار جي ضمانت منظور ميرپورخاص ۾ نوڪري بھاني مبينا اجتماعي لڄالٽ ڪرڻ جي ڪيس ۾ گرفتار ٿيل پٿورو واسي عبدالحڪيم آريسر ضمانت جي سلسلي ۾ سيشن ڪورٽ ۾ پيش ٿيو، جتي عدالت سندس 50 لک رپين جي مچلڪن عيوض ضمانت منظور ڪري ورتي آھي جڏھن ته ڪيس داخل ڪرائيندڙ عورت ماھم يوسفزئي کي پڻ سڃاڻپ جي سلسلي ۾ عدالت ۾ پيش ڪيو ويو عدالت ٻاھران ڳالھائيندي جوابدار عبدالحڪيم آريسر جي وڪيل افضل ڪريم ورڪ چيو ته ڪورٽ ۾ سندس موڪل جي ضمانت واري درخواست تي ٻڌڻي ٿي، جنھن ۾ پوليس پاران ميڊيڪل رپورٽ پڻ پيش ڪئي وئي، جنھن ۾ عورت تي تشدد جا ڪي به نشان ناھن مليا ھن وڌيڪ چيو ته عورت ڪجھ ڏينھن اڳ به اھڙو بيان ڏنو آھي، جنھن ۾ ھن عبدالحڪيم کي جوابدار طور سڃاڻڻ کان انڪار ڪيو آھي، ۽ اڄ بھ عدالت ۾ جوابدارن جي سڃاڻپ لاءِ جڏھن کيس پيش ڪيو ويو ته ھن اھڙو بيان ڏنو آھي ته جن جوابدارن ساڻس زيادتي ڪئي ھئي، انھن ۾ عبدلحڪيم شامل ناھي.
