پاڪستان: ۽ افغانستان وچ ۾ پرڏيهي وزيرن جي سطح تي ٿيندڙ ڳالهين ۾ دهشتگردي جي خاتمي، معاشي ترقي ۽ واپاري شعبي ۾ تعاون کي هٿي ڏيڻ تي اتفاق ڪيو ويو آهي.
پاڪستان ۽ افغانستان وچ ۾ وفدن جي سطح تي ڳالهيون ٿيون. پرڏيهي وزير بلاول ڀٽو زرداري افغان پرڏيهي وزير مولوي امير خان متقي جي قيادت ۾ افغان وفد جو پرڏيهي آفيس اچڻ تي استقبال ڪيو.
پرڏيهي وزير جي سربراهي ۾ وفد جي سطح تي ٿيندڙ ڳالهين ۾ پاڪستان طرفان پرڏيهي وزير بلاول ڀٽو وفد جي قيادت ڪئي. ڳالهين ۾ ٻطرفن لاڳاپن تي ڳالهيون ڪيون ويون.
پاڪ افغان لاڳاپن سميت خطي جي صورتحال تي ڳالهيون ڪيون ويون. جڏهن ته ڳالهين ۾ دهشتگردي جي خاتمي، معاشي ترقي، واپاري تعاون کي هٿي ۽ بارڊر مينجمينٽ ۽ سرحدن تي غيرقانوني نقل ۽ چرپر روڪڻ جي لاءِ بهتر قدم کڻڻ تي اتفاق ڪيو ويو.
