پريالوءِ ڀرسان ايل،بچاء بند سان زيرو پوائنٽ کان ڳاڙهي موري ويندڙ تازو رپيئر ٿيل روڊ ڇهن مهينن اندر هنڌان هنڌان اکڙي ويو،ٺيڪيدار پاران ناقص مٽيريل استعمال ڪرڻ ۽ روڊ جي سائيڊن ۾ مٽي ( بنجون) نه لاهڻ سبب گذريل برساتن سبب خطرناڪ کڏا پئجي ويا آهن ،جنهن جي نتيجي ۾ حادثن جو خطرو وڌي ويو آهي انهيءَ سلسلي ۾ ڳوٺ ويرم خان مهر جي رهواسين ، حاجي خان مهر، رياض احمد مھر، حضور بخش ۽ ٻين ميڊيا کي ٻڌايو ته ٺيڪيدار پاران پئسا بچائڻ لاءِ روڊ جو جڳاڙي ڪم ۽ ناڪس مٽيريل استعمال ڪرڻ سبب صرف ڇهن مهينن ۾ روڊ هنڌان هنڌان اکڙي ويو آهي ڳوٺاڻن جو چوڻ آهي ته ٺيڪيدار روڊ جي سائيڊن ۾ مٽيءَ جي ڀرائي نه ڪئي آهي جنھن جي ڪري برسات سبب روڊ جي پاسن ۾ وڏا کڏا پئجي ويا آهن جنهن جي ڪري روڊ سان ايندڙ ويندڙ مسافرن کي حادثا پيش اچڻ جو خطرو وڌي ويو آهي انهيءَ سلسلي ۾ ڳوٺاڻن طرفان ، وس وارن کان نوٽيس وٺڻ جو مطالبو ڪندي گهر ڪئي وئي آهي ته روڊ جي ٽٽل هنڌن جي مرمت ڪري پاسن ۾ مٽي جي ڀرائي ڪرائي پريشاني دور ڪئي وڃي ٻي صورت ۾ سخت احتجاج ڪيو ويندو
