پنجاب جو وڏو حصو ٻوڏ جي پاڻي ۾ ٻڏي ويو آهي، خاص طور تي مظفر ڳڙهه ۽ علي پور جا علائقا سخت متاثر ٿيا آهن. پنجاب حڪومت پاران ريسڪيو ۽ ريليف سرگرميون 24 ڪلاڪن ۾ جاري آهن، ۽ متاثر ماڻهن کي محفوظ هنڌن تي منتقل ڪرڻ جو سلسلو تيزي سان هلي رهيو آهي.مکيه صورتحال:مظفر ڳڙهه ۽ علي پور ۾ بي مثال لڏ پلاڻ، ريسڪيو ۽ امدادي سرگرميون جاري آهن.موٽر وي ايم-5 کي جلال پور پير والا جي ڀرسان بند ڪيو ويو آهي، ۽ ٽريفڪ کي متبادل رستن تان گذرڻ تي مجبور ڪيو پيو وڃي. موٽر وي پوليس موجب نارٿ بائونڊ ٽريفڪ کي اوچ شريف، جهانگره ۽ جلال پور انٽرچيج طرف موڙيو پيو وڃي.وزيراعليٰ مريم نواز چيو ته پنجاب ڪابينه جا ميمبر رليف سائيٽن تي موجود آهن ۽ ذاتِي طور تي آپريشن جي نگراني ڪئي پئي وڃي ته جيئن متاثر خاندانن تائين بروقت امداد پهچي.متاثر علائقن ۾ عوام کي محفوظ هنڌن تي منتقل ڪرڻ ۽ ٻوڏ مان بچيل مال مويشي ک به محفوظ ڪرڻ جو ڪم جاري آهي.وزيراعليٰ جو بيان:مريم نواز چيو ته ڏکڻ پنجاب ۾ اهڙيون رليف سرگرميون اڳوڻي حڪومتن ڪڏهن به انجام نه ڏنيون آهن. هن وڌيڪ چيو ته جيڪي ماڻهو علائقي بابت غلط ڄاڻ پکيڙي رهيا آهن، اصل صورتحال زمين تي واضح آهي، ۽ حڪومت متاثر ماڻهن سان گڏ آهي.
