اوٽاوا (بين الاقوامي ڊيسڪ): ڪئناڊا جي فيڊرل سيڪيورٽي اختيارين ڀارتي نالي واري گينگسٽر ستيندر سنگهه عرف گولڊي برار کي ملڪ جي انتھائي گھربل 25 مفرور ڏوهارين جي لسٽ ۾ پهرين نمبر تي شامل ڪري سندس گرفتاري لاءِ ڪروڙين رپين جي انعام جو باضابطه اعلان ڪيو آهي.
ڪئناڊا پوليس پاران جاري ڪيل پڌرنامي موجب، گولڊي برار تي قتل، دهشتگردي، سنگين ڏوهن، ڀتا خوري ۽ منظم ڏوهاري گروهه هلائڻ جا ڪيترائي ڪيس داخل آهن. ان کان اڳ ڀارت ۾ نامور گلوڪار سڌو موسو والا جي قتل ڪيس ۾ به گولڊي برار مکيه جوابدار طور ملوث رهيو آهي، جنهن کان پوءِ هو بين الاقوامي سطح تي مفرور هو.
ڪئناڊا حڪومت جو چوڻ آهي ته ملڪ اندر غير ملڪي ڏوهارين ۽ گينگ وار نيٽ ورڪ خلاف سخت ڪارروائي شروع ڪئي وئي آهي، ۽ ان سلسلي ۾ عوام کي اپيل ڪئي وئي آهي ته جوابدار بابت ڪنهن به باخبر ڄاڻ ملڻ تي فوراً سيڪيورٽي ايجنسين کي آگاهي ڏني وڃي.
ذريعو: ڪئناڊا فيڊرل پوليس، انٽرپول ۽ بين الاقوامي خابرو ادارا (20 نومبر 2026ع)

