پوليس ايم ڪيو ايم لنڊن جي ڪارڪنن طرفان ريلي ڪڍڻ تي ڪيس داخل ڪري ورتو.پوليس موجب ايم ڪيو ايم لنڊن طرفان ڪورنگي ۾ ريلي ڪڍڻ تي ايم ڪيو ايم باني سميت 100 کان وڌيڪ ماڻهن خلاف ڪيس داخل ڪيو ويو آهي.پوليس جو چوڻ آهي ته ڪيس ۾ 39 جوابدارن جا نالا داخل ڪيا ويا آهن، جڏهن ته ريلي دوران 4 ڄڻن کي گرفتار به ڪيو ويو.پوليس ٻڌايو ته ڪيس سرڪاري فرياد تي زمان ٽائون ٿاڻي تي داخل ڪيو ويو آهي، جنهن ۾ هنگامي سميت ٻيا قلم شامل ڪيا ويا آهن.ايف آءِ آر جي متن ۾ چيو ويو آهي ته ريلي ۾ شرڪت ڪندڙن کي ڇروڇڙ ڪرڻ جي ڪوشش ڪئي وئي ته هنگامو ڪيو ويو.پوليس ٻڌايو ته گرفتار جوابدارن ۾ محمد علي عرف خشڪا، ساجد، جاويد ۽ محمد سليم شامل آهن.
