گلگت بلتستان جي 24 چونڊ تڪن مان هيل تائين 19 تڪن جا نتيجا سامهون اچي چڪا آهن، جن موجب پيپلز پارٽي 9 سيٽون کٽي سڀ کان وڏي پارٽي بڻجي سامهون آئي آهي.پارٽي جي ڪاميابي تي چيئرمين Bilawal Bhutto Zardari جيالن کي مبارڪون ڏيندي چيو ته گلگت بلتستان ۾ تيرن جي برسات ٿي آهي.پنهنجي پيغام ۾ بلاول ڀٽو زرداري چيو ته پيپلز پارٽي گلگت بلتستان جي چونڊن ۾ واحد وڏي سياسي جماعت طور اڀري رهي آهي ۽ پارٽي ڀرپور ڪوشش ڪندي ته علائقي ۾ پنهنجي حڪومت قائم ڪري.هن وڌيڪ چيو ته گلگت بلتستان جي عوام پيپلز پارٽي تي اعتماد ڪندي ووٽ ڏنو آهي، جنهن تي هو عوام جا ٿورائتا آهن.
