تنگواني شھر جي بکراڻي پاڙي مان ٽن موٽرسائيڪل سوار ھٿياربندن ھٿان مبينه اغوا ٿيل ٽن سالن جي معصوم نينگر مسرور بکراڻي جي بازيابي لا۽ سندس وارثن مشتاق احمد۔ فاروق احمد۔ منظور احمد ۽ سليمان بکراڻي جي اڳواڻي ۾ چمني شاخ ڀرسان مئن انڊس ھا۽ وي تي ڌرڻو ھڻي احتجاج ڪيو آھي۔ ان موقعي تي وارثن ميڊيا آڏو دانھيندي چيو ته ضلعي ڪشمور ۾ گذريل ڪيتري ئي عرصي کان ڏوھارين جو راڄ برقرار آھي۔ ڏوھاري ايترو زور وٺي ويا آھن جو ٽن سالن جي معصوم ٻارن کي به بخش نٿا ڪن ۽ ڀنگ جي حوس ۾ کين اغوا پيا ڪن۔ نينگر جي والد فاروق احمد روئيندي چيو ته منھنجو نينگر ھن ٿڌ ۾ الائي ڪھڙي حال ۾ ھوندو۔ احتجاج ڪندڙن مطالبو ڪيو ته ٻن ڏينھڻ اندر نينگر بازياب نه ٿيو ته سخت احتجاج ڪيو ويندو۔*
