اسلام آباد، تحريڪ انصاف وقت کان اڳ چونڊن جون تياريون شروع ڪري ڇڏيون آهن، ان سلسلي ۾ چونڊن ۾ حصو وٺندڙ اميدوارن ۽ پارٽي عهديدارن جو اهم اجلاس طلب ڪيو ويو آهي تحريڪ انصاف طرفان وفاقي حڪومت تي عام چونڊن لاءِ دٻاءُ وڌايو پيو وڃي ۽ عام چونڊن ۾ مضبوط اميدوارن کي ميدان ۾ لاهڻ لاءِ پارٽي چيئرمين عمران خان به متحرڪ ٿي ويو آهي تحريڪ انصاف وقت کان اڳ چونڊن جي باقاعده تياري شروع ڪري ڇڏي آهي، ان سلسلي ۾ اڄ شام جو لاهور سان تعلق رکندڙ اسيمبلي ميمبرن، ٽڪيٽ هولڊرز ۽ عهديدارن کي زمان پارڪ طلب ڪيو ويو آهي.
تحريڪ انصاف چيئرمين عمران خان اسيمبلي ميمبرن ۽ پارٽي عهديدارن جي اجلاس جي صدارت ڪندو ۽ اجلاس ۾ چونڊن دوران مضبوط اميدوارن جي نالن تي غور ڪيو ويندو
