ڪراچي موسم جي تبديلي سان گڏ ڪراچي جو فضائي معيار انتهائي مضرِ صحت سطح تي پهچي ويو، شهر جي هوا ۾ آلودگي جي شرح 174 پرٽيڪيوليٽ ميٽر رڪارڊ ڪئي وئي، جيڪا انساني صحت لاءِ خطري واري سطح آهي۔
موسميات کاتي موجب ڪراچي ۾ اڄ مطلع جزوي طور ابر آلود رهندو، جڏهنته ڌوپ ۽ بادل گڏ موسم کي گرم ۽ سڪل بڻائيندا۔ شهر ۾ سامونڊي هوائون بند هجڻ سبب اتر ۽ اتر اوڀر کان سڪي هوائون وهي رهيون آهن، صبح ۽ رات ۾ ٿڌڪ محسوس ٿيندي، جڏهنته ڏينهن جو موسم گرم رهندو۔اڄ گرمي پد 37 ڊگري سينٽي گريڊ تائين وڃڻ جو امڪان آهي ۽ هوا ۾ نمي جو تناسب 42 سيڪڙو رڪارڊ ڪيو ويو آهي۔ٻئي طرف لاھور جو ايئر ڪوالٽي انڊيڪس 254 رڪارڊ ٿيو، جنهن کان پوءِ لاھور پنجاب جو چوٿون سڀ کان وڌيڪ آلوده شهر قرار ڏنو ويو۔ قصور 279 سان پهرين، خاني وال 276 سان ٻي ۽ شيخوپوره 270 سان ٽين پوزيشن تي رهيا۔
