ڌابيجي پمپنگ اسٽيشن تي زير زمين ڪيبل فالٽ 48 ڪلاڪن کان وڌيڪ وقت گذرڻ باوجود حل نه ٿي سگهيو جنهن سبب ڪراچي جي ڪيترن ئي علائقن ۾ پاڻي جي شديد کوٽ پيدا ٿي وئي آهي۔ڪي اليڪٽرڪ جي ترجمان موجب فورتھ فيز جي بجلي 5 نومبر تي فالٽ سبب بند ٿي هئي ۽ ٽيمون مرمتي ڪم ۾ مصروف آهن، پر فالٽ جي نوعيت سبب دير ٿي رهي آهي۔پاڻي نه پهچڻ سبب 3 پمپ بند آهن ۽ شهر کي 140 ملين گيلن پاڻي جي گهٽتائي کي منهن ڏيڻو پيو آهي۔واٽر اينڊ سيوريج ڪارپوريشن جو چوڻ آهي ته ڪي اليڪٽرڪ طرفان 18 ڪلاڪن ۾ فالٽ درست ڪرڻ جي يقين دهاني ڪرائي وئي هئي، پر صورتحال جڳهه تي بيٺل آهي۔ڪي اليڪٽرڪ جو بيان آهي ته اسٽيشن تي 22 مان 19 لائنون بحال آهن ۽ فالٽ ختم ٿيندي ئي باقي 3 پمپس به هلائي ڇڏيا ويندا۔گذريل مهيني به حب ڪينال جي مرمتي ڪم سبب ٻه ڏينهن پاڻي جي فراهمي بند رهي هئي۔واٽر ڪارپوريشن شهرين کي پاڻي سوچ سمجھي استعمال ڪرڻ ۽ گهربل مقدار اڳواٽ ذخيرو ڪرڻ جي هدايت ڪئي آهي۔
