خيبر پختونخوا ۾ سيڪيورٽي فورسز فتنۂ خوارج خلاف ٻن اهم انٽيليجنس بيسڊ آپريشنز دوران 15 خارجي ماريا آهنآئي ايس پي آر موجب 15 ۽ 16 نومبر دوران ڊيره اسماعيل خان ۽ اتر وزيرستان ۾ ٻه الڳ آپريشن ڪيا ويا، جن ۾ ڀارتيپراڪسي فتنۂ خوارج سان لاڳاپيل 15 دهشتگرد هلاک ٿيا۔آئي ايس پي آر بيان ۾ چيو ته خوارجن جي موجودگي جي اطلاع تي ضلع ڊيره اسماعيل خان جي علائقي ڪلاچي ۾ انٽيليجنس بيسڊ آپريشن ڪيو ويو، جنهن دوران اثرائتي ڪارروائي ۾ خوارجن جو سرغنو عالم محسود سميت 10 خارجي ماريا ويا۔سيڪيورٽي فورسز اتر وزيرستان جي علائقي دتہ خيل ۾ ٻئي آپريشن دوران وڌيڪ 5 خارجي ختم ڪيا۔ترجمان جو چوڻ هو ته علائقي ۾ ممڪن هندستاني سرپرستيءَ وارن خوارجن کي ختم ڪرڻ لاءِ ڪليئرنس آپريشنز جاري آهن۔ سيڪيورٽي فورسز ۽ قانون لاڳو ڪندڙ ادارا “عزمِ استحڪام” جي تحت دهشتگردي خلاف مهم جاري رکيا پيا وڃن، ته جيئن غير ملڪي سهائتا يافته دهشتگردي کي ختم ڪري وطن کي محفوظ بڻايو وڃي۔
