پاڪستان تيزي سان سولر توانائي ڏانهن منتقل ٿي رهيو آهي، جنهن سبب ملڪ دنيا جو ٽيون وڏو سولر پينل درآمد ڪندڙ ملڪ بڻجي ويو آهي. ماهرن موجب ايندڙ سال 2026 ۾ لاہور، فيصلآباد ۽ سيالڪوٽ جهڙن وڏن شهرن ۾ پهريون ڀيرو “منفي طلب” پيدا ٿي سگهي ٿي، يعني ماڻهو گرڊ مان بجلي وٺڻ بدران پنهنجي ڇت تي لڳل سولر پينلز ذريعي وڌيڪ بجلي پيدا ڪري واپس گرڊ ۾ شامل ڪندا.سرڪاري آفيسر عائشه مورياڻي رائٽرز کي ٻڌايو ته مهانگي بجلي ۽ لوڊشيڊنگ کان تنگ اچي ماڻهو وڏي تعداد ۾ سولر لڳائي رهيا آهن، جنهن سبب بجلي ڪمپنين جي آمدني گهٽجڻ سان گڏ انهن جي قرضن ۾ به اضافو ٿي رهيو آهي.حڪومت طرفان نيون پاليسيون تيار ٿي رهيون آهن، جن تحت سولر استعمال ڪندڙ گهرن ۽ ڪارخانن کي به گرڊ جي سار سنڀال واري خرچ ۾ حصو ڏيڻ لازمي قرار ڏنو ويندو.شمسي ماهرن موجب سخت گرمي ۾ سولر پينلز جي ڪارڪردگي گهٽ ٿي ويندي آهي، جڏهن ته ٻئي پاسي قطر سان ٿيل مهانگي ايل اين جي معاهدن ۾ به گهٽتائي آڻڻ تي غور ڪيو پيو وڃي، ڇاڪاڻتہ سولر ذريعي بجلي هاڻي وڌيڪ سستي پئجي رهي آهي.
