اسلام آباد ۾ نور مقدم قتل ڪيس جي مجرم ظاهر جعفر جي سزائے موت خلاف اپيل رد ٿيڻ کان پوءِ جسٽس علي باقر نجفي پنهنجي تفصيلي فيصلو جاري ڪيو آهي، جيڪو 7 صفحن تي مشتمل اضافي نوٽ تي ٻڌل آهي۔جسٽس علي باقر نجفي پنهنجي نوٽ ۾ لکي ڇڏيو ته هو عدالتي فيصلو مڪمل طور قبول ڪن ٿا، پر “ڪجهه اضافي قانوني ۽ سماجي وجوهات” پڻ بيان ڪرڻ ضروري سمجهن ٿا۔اضافي نوٽ ۾ چيو ويو آهي ته ظاهر جعفر خلاف موجود سمورا ثبوت واضح طور رڪارڊ جو حصو آهن ۽ عدالت ۾ ثابت ٿي چڪا آهن۔ان سان گڏ هوءَ ڳالهه به چئي وئي ته ليوِنگ ريليشن (غير شادي شده گڏ رهڻ) جو تصور معاشري لاءِ انتائی نقصانڪار آهي۔ اهڙي لاڳاپي نه فقط سماجي بگاڙ جو سبب آهي پر اسلامي تعليمات جي پڻ خلاف ورزي آهي۔جسٽس نجفي لکي ڇڏيو ته اڄ جي نوجوان نسل کي هن افسوسناک واقعن مان سبق وٺڻ گهرجي ته اهڙا عمل اخلاقي ۽ سماجي تباهي آڻي سگهن ٿا۔ياد رهي ته سپريم ڪورٽ اڳ ۾ ئي ظاهر جعفر جي قتل واري مقدمي ۾ سزائے موت برقرار رکي هئي، جڏهن ته ريپ ڪيس ۾ موت جي سزا کي عمر قيد ۾ تبديل ڪيو ويو هو۔اغوا واري ڪيس ۾ 10 سالن جي سزا گهٽائي هڪ سال ڪئي وئي هئي۔عدالت نور مقدم جي خاندان کي معاوضي جي ادائيگي جو حڪم برقرار رکيو، جڏهن ته ظاهر جعفر جا ملازم مالي جان محمد ۽ چوڪيدار افتخار کي بري ڪرڻ جا حڪم ڏنا ويا هئا۔هن وقت ظاهر جعفر سپريم ڪورٽ جي فيصلي خلاف نظرثاني درخواست دائر ڪري رکي آهي۔
