چولستان 66 لک ايڪڙن تي پکڙيل چولستان ۾ صحرائي اونٽن ۾ موذي وبا پکڙجي وئي آهي۔ لائيو اسٽاڪ کاتيموجبهن وبائي مرض سبب ڪيترائي اونٽ فوت ٿي چڪا آهن ۽ سڄي چولستان ۾ اونٽن جي بيماريءَ جي نگراني جاري آهيلائيو اسٽاڪ جي خصوصي ٽيمون گذريل 5 ڏينهن ۾ 11 هزار کان وڌيڪ اونٽن جو معائنو ڪيو آهي۔ ترجمان کاتي موجب 1100 اونٽن ۾ بيماريءَ جون علامتون ڏٺيون ويون آهن ۽ انهن جو علاج جاري آهي۔ ان کان علاوه، 52 اونٽن جا نمونا لاھور ۽ اسلام آباد جي جديد لائيو اسٽاڪ ليبارٽريز ڏانهن موڪليا ويا آهن۔ترجمان ٻڌايو ته اونٽن جي علاج لاءِ پنج مختلف قسمن جون دوائون استعمال ٿي رهيون آهن، ۽ موجوده قدمن کانپوءِ بيماري جي پکڙجڻ ۾ گهٽتائي جي اميد آهي۔لائيو اسٽاڪ کاتي اونٽن جي مالڪن ۽ چرواهن کي اپيل ڪئي آهي ته متاثر ٿيل جانورن کي فوري طور الڳ ڪن ويٽرنري ٽيم سان رابطو ۾ رهن ۽ پنهنجون حرڪتون گھٽائي بيماريءَ جي وڌيڪ پکڙجڻ کي روڪڻ ۾ پنهنجو ڪردار ادا ڪن۔
