پاڪستان گڏيل قومن جي انساني حقن واري اداري جي حالیہ بيان کي رد ڪندي ان کي بي بنياد ۽ بنا جواز قرار ڏنو آهي۔پرڏيهي وزارت جي ترجمان موجب پاڪستاني پارليامينٽ ٻه ٽئين اڪثريت سان 27هين آئيني ترميم منظور ڪئي، پر ان حوالي سان جاري بيان ۾ پاڪستان جي نقطه نظر ۽ زميني حقيقتن کي شامل نه ڪيو ويو آهي۔ترجمان واضح ڪيو ته ٻين جمهوري ملڪن وانگر پاڪستان ۾ به آئين ۾ ترميم ۽ قانون سازي جو اختيار چونڊيل نمائندن وٽ آهي، ۽ جمهوريت ۽ جمهوري طريقيڪار شهري ۽ سياسي حقن جي بنياد آهن جن جو احترام ضروري آهي۔پرڏيهي وزارت چيو آهي ته پاڪستان پنهنجي آئين ۾ درج انساني حقن ۽ بنيادي آزادي جي تحفظ لاءِ پرعزم آهي ۽ هاءِ ڪمشنر کي پاڪستاني پارليامينٽ جي خودمختيار فيصلن جو احترام ڪرڻ گهرجي۔ترجمان هاءِ ڪمشنر کي هدايت ڪئي آهي ته اهڙن بيانن کان پاسو ڪيو وڃي جن ۾ سياسي تعصب يا غلط ڄاڻ هجي۔ پاڪستان جي نئين آئيني ترميم واضح طريقيڪار جي پيروي ڪندي منظور ڪئي وئي آهي۔
