راولپنڊي ۾ دفعو 144 جي ڀڃڪڙي تي فوري ڪارروائي ڪرڻ جو فيصلو ڪيو ويو آهي، جنهن تحت مختلف علائقن ۾ دڪانون، پيٽرول پمپ ۽ تعليمي ادارا بند ڪرائي ڇڏيا ويا آهن۔تفصيل موجب دفعو 144 لاڳو ٿيڻ بعد حڪام واضح هدايتون جاري ڪيون آهن ته ضابطن جي ڀڃڪڙي ڪندڙن خلاف فوري گرفتارين سميت سخت قدم کنيا ويندا۔اڊياله جيل ڏانهن ويندڙ رستن تي پوليس جي اضافي نفري تعينات ڪئي وئي آهي ته جيئن ڪنهن به ناگوار واقعي کان بچي سگهجي۔داھگل ۽ گورکھپور وارن علائقن ۾ ڪاروباري مرڪز، پيٽرول پمپ ۽ اسڪول مڪمل طور بند ڪرايا ويا آهن جڏهنتہ شهر جي گھڻن اهم هنڌن تي سڪيورٽي لاءِ ناڪا لڳايا ويا آهن۔حڪام شهرين کي اپيل ڪئي آهي ته هو قانون جي پاسداري ڪن ۽ ضابطن جي ڀڃڪڙي کان پاسو ڪن۔
