آمريڪي صدر ڊونلڊ ٽرمپ هڪ ڀيرو ٻيهر پاڪستان ۽ ڀارت وچ ۾ ممڪن جنگ روڪڻ ۽ اٺ جهاز ڪِرڻ جو دعويٰ ڪيو آهي۔ آمريڪي تيل ڪمپنين جي وفد سان ڳالهائيندي صدر ٽرمپ چيو ته هن پاڪستان ۽ ڀارت سميت دنيا جي ڪيترين ئي جنگين کي روڪڻ ۾ ڪردار ادا ڪيو۔ پاڪ ڀارت ڇڪتاڻ دوران اٺ جهاز مار گرائڻ جو واقعو پيش آيو هو جڏهن ته ان وقت پاڪستاني وزيراعظم به چيو هو ته صدر ٽرمپ جي مداخلت سبب ڏهه ملين زندگيون بچيون۔صدر ٽرمپ وينزويلا جي تيل بابت آمريڪي پاليسي تي ڳالهائيندي چيو ته آمريڪا جلد وينزويلا جو تيل ريفائن ڪري مارڪيٽ ۾ وڪرو ڪندو، جڏهن ته چين ۽ روس به آمريڪا کان وينزويلا جو تيل خريد ڪري سگهن ٿا۔ هن چيو ته آمريڪي تيل ڪمپنين کي وينزويلا ۾ مڪمل سيڪيورٽي گارنٽي ڏني ويندي۔گرين لينڊ بابت ڳالهائيندي صدر ٽرمپ چيو ته آمريڪا نٿو چاهي ته روس يا چين گرين لينڊ تائين پهچ حاصل ڪن، ان ڪري آمريڪا لاءِ گرين لينڊ جو ڪنٽرول ضروري آهي۔روسي قيادت بابت صدر ٽرمپ چيو ته هو روس ۽ چين جي عوام سان محبت ڪن ٿا، پر روسي صدر کين مايوس ڪيو آهي۔ هن چيو ته روسي صدر يورپ کان نه پر آمريڪا کان ڊڄن ٿا
