مصنوعي ذهانت (AI) اڃا تائين اردو سان مڪمل طور واقف نه هئي، جنهن سبب اردو ڳالهائيندڙ پاڪستاني جديد ٽيڪنالاجي مان مڪمل فائدو نه وٺي سگهيا. پر آمريڪا ۾ پڙهندڙ پاڪستاني نوجوان تيمور حسن پنهنجن ساٿين جواد احمد ۽ محمد اويس سان گڏ ڪري هڪ اردو چيٽ GPT ماڊل ’’قلب‘‘ تيار ڪيو آهي.’’قلب‘‘ تقريباً 1.97 ارب لفظن تي ٽرين ٿيل آهي ۽ ان کي ست کان وڌيڪ عالمي معيار جي ٽيسٽن ۾ جانچيو ويو، جتي هن موجوده اردو AI ماڊلز کي واضح طور تي پوئتي ڇڏيو.هي ماڊل اردو ٻولي ۾ سوال جواب ڪرڻ، تحقيق ۽ تعليمي اسائنمنٽس ۾ مدد ڏيڻ لاءِ تيار ڪيو ويو آهي. ’’قلب‘‘ اردو ڳالهائيندڙن لاءِ جديد AI تائين آسان رسائي جو بهترين ذريعو آهي ۽ اردو ٻولي جي فروغ ۾ اهم ڪردار ادا ڪندو.تيمور حسن اڳ ۾ ئي 13 اسٽارٽ اپس ڪاميابي سان لانچ ڪري چڪا آهن، مائيڪروسافٽ کپ ۾ فاتح رهيا آهن ۽ بين الاقوامي سطح تي پاڪستان جي نمائندگي ڪئي آهي
