رمضان کان اڳ مهانگائي جي لهر: روزاني سامان جا اگهه ڪنٽرول کان ٻاهر

رمضان المبارڪ کان اڳ ملڪ ۾ مهانگائي جو جن بوتل مان ٻاهر نڪري ويو ۽ روزاني استعمال جي سامان جا اگهه ڪنٽرول کان ٻاهر ٿي ويا. ، رمضان جي اچڻ کان اڳ سبزيون، ميوا ۽ ٻيون شيون وڏي تيزي سان مهانگيون ٿي ويون آهن.اسلام آباد ۾ 4 ڏينهن ۾ ٽماٽا 40 روپيا في ڪلو وڌي 120 روپيا ٿي ويا، جڏهن ته آلو 40 کان وڌي 50 روپيا في ڪلو ٿي ويا. بيسن 320 کان وڌي 350 روپيا، ۽ ڪوڪنگ آئل ۽ گهِي 20 روپيا في ڪلو مهانگا ٿي ويا آهن.روٽي ۽ پراٺي جي قيمت ۾ پڻ واڌ ٿي، روٽي 25 روپيا، خميري نان 30 روپيا ۽ کلچه 35 روپيا ٿي ويو آهي. تندوري پراٺا ۽ روغني نان 60 روپيا ۾ وڪرو ٿي رهيا آهن.هوٽلن ۾ چانهه پڻ مهانگي ٿي وئي آهي، هڪ پيالو چانهه 70 روپيا ۾ دستياب آهي. ديشي انڊا 470 کان وڌي 500 روپيا درجن ۾ وڪرو ٿي رهيا آهن. درجي سوم سيب 150 کان وڌي 200 روپيا ۽ ڪيلا 140 کان وڌي 180 روپيا درجن ٿي ويو آهي