ڪراچي جو تاريخي علائقو ناظم آباد پنهنجي شاندار تهذيب، علمي ۽ ادبي روايتن ۽ لڏي اچي هتي آباد ٿيل نامور شخصيتن سبب شهر جي اهم سڃاڻپ بڻيو. لياري ندي جي ڪناري تي آباد ٿيل هن بستي لڏپلاڻ ڪندڙن کي نئين اميد ڏني، جن ڪراچي جي ثقافتي، تعليمي ۽ ادبي سڃاڻپ کي نئون رخ ڏنو. اڄ ناظم آباد ڪراچي جي قديم ۽ مصروف ترين رهائشي علائقن مان هڪ آهي، پر هڪ وقت شهر جون حدون لياري ندي جي پل تائين محدود هيون، جڏهن ته ان کان اڳتي سنسان ميدان، گهاٽا جهنگ ۽ جهنگلي جانورن جا آستانا هوندا هئا.
