پاڪستان، خاص طور تي سنڌ لاءِ هڪ ٻيو اعزاز، سنڌي نوجوان منصور قريشي، پنهنجي 20 سالن جي جدوجهد ذريعي آمريڪي سياست ۾ پنهنجي ڪيريئر جي شروعات ڪري ڇڏي آھي ھن کي آمريڪي رياست ورجينيا جي حڪومت ۾ هڪ اهم عهدي سان نوازيو ويو آهي. آمريڪا ۾ رهندڙ مشهور پاڪستاني ڄائي مشھور صحافي، ممتاز ڪاروباري شخصيت، ٽيلنٽ پارٽنر، آئي ٽي ماهر، فلمساز ۽ ڪميونٽي ليڊر منصور قريشي، سرڪاري طور تي ورجينيا جي گورنر لاءِ ايشيائي آمريڪي صلاحڪار بورڊ جي ميمبر/مشير جي حيثيت سان حلف کڻي ورتو. رچمنڊ جي گورنر ھائوس جي سينٽ پال چرچ جي ڪانفرنس هال ۾ منعقد ٿيندڙ پروقار حلف برداري تقريب ۾ ھن پنھنجي عھدي جو قسم کنيو. گورنر جي سيڪريٽري (وزير) ڪيلي جي کائنس عھدي جو حلف ورتو. ان موقعي تي، منصور قريشي گورنر گلين ينگڪن ۽ سيڪريٽري ڪيلي جي جو شڪريو ادا ڪيو ته انهن کيس رياست جي عوام جي فلاح وبھبود ۽ ترقي ۾ حصو وٺڻ لاء اهم ذميواري لاءِ چونڊيو. پنهنجي خطاب دوران، مسٽر قريشي تارڪين وطن ۽ رياستي حڪومت جي وچ ۾ فرق ۽ ويڇن کي ختم ڪرڻ ۾ پنهنجي نئين ڪردار جي اهميت تي زور ڏنو، ۽ چيو ته هو يقيني بڻائيندو ته انهن جي آوازن کي ٻڌو وڃي ۽ انهن جي ضرورتن کي پورو ڪيو وڃي. منصور قريشي وڌيڪ چيو ته مون کي ايشين آمريڪن ايڊوائزري بورڊ ۾ خدمتون سرانجام ڏيڻ ۽ هڪ اهڙي برادري جي نمائندگي ڪرڻ جو اعزاز حاصل آهي جنهن ورجينيا ۽ آمريڪا جي متحرڪ ٿيڻ ۾ تمام گهڻو حصو ورتو آھي ۽ ھو ان مشن کي اڳتي وڌائيندي ايشيائي آمريڪي برادري کي اڳتي آڻڻ، بااختيار بڻائڻ ۽ انھن جي اجتماعي مستقبل کي مضبوط ڪرڻ لاء ڪوشش ڪندو. تقريب جي شروعات گورنر جي سيڪريٽري مس ڪيلي جي ڪئي، جنهن منصور قريشي کي عهدي جو حلف کڻايو، ء باضابطه طور تي کيس ميمبر/مشير جي حيثيت سان سرٽيفڪيٽ پڻ پيش ڪيو، ۽ باضابطه طور تي کيس صلاحڪار بورڊ ۾ ڀليڪار ڪئي. مس ڪيلي ان موقعي تي چيو ته منصور قريشي جي هن اهم عهدي تي مقرري سان ورجينيا ۾ رهندڙ مختلف پاڪستاني ۽ ايشيائي برادرين جي مسئلن کي حل ڪرڻ ۾ مدد ملندي ۽ ھو عوام ۽ حڪومت جي وچ ۾ هڪ پل جو ڪردار ادا ڪندو. ان موقعي تي، منصور قريشي سيڪريٽري جي، جوان پابلو سڪورا ۽ ٻين کي پاڪستان جي مهمان نوازي ۽ سنڌي ثقافتي ورثي جي علامت طور سنڌي اجرڪ، شال ۽ ٻيا تحفا پيش ڪيا. ان موقعي تي، گورنر جي چيف ڊپٽي سيڪريٽري، جوان پابلو سيڪورا، منصور قريشي کي هن اهم ڪاميابي تي مبارڪباد ڏني. هن چيو ته منصور قريشي عملي طور تي آمريڪي سياست ۾ شروعات ڪري رهيو آهي. “منصور هميشه کان هڪ متحرڪ ۽ جدوجهد ڪندڙ شخص رهيو آهي، ۽ مان هن کي هن نئين ڪردار ۾ اهم ذميواري سنڀالڻ تي تمام گهڻو خوش آهيان. ان موقعي تي، منصور قريشي، جيڪو 2001 ۾ سنڌ مان آمريڪا آيو هو، پنهنجي ذاتي سفر بابت ڳالهايو ۽ چيو ته شروعاتي ڏينهن کان، هن ورجينيا جي ڪاروبار، ميڊيا ۽ تفريحي صنعت ۾ محدود وسيلن سان پنهنجي ڪيريئر ذريعي هڪ ڪيريئر ٺاهيو ء پنهنجي جدوجهد ۽ والدين جي دعائن سان هن فلم انڊسٽري ۽ ٻين شعبن ۾ هڪ اهم ڪردار ادا ڪيو ۽ هميشه پاڪستان ۽ ايشيا جي مختلف برادرين ۾ رابطي ۽ ڀلائي لاءِ ڪم ڪيو. ھن چيو ته ھو هڪ ڪاروباري ۽ ٽيلنٽ پارٽنر هجڻ کان سواء ڪيپيٽل ڪارنر ۽ “ماني ڪا آمريڪا” پروگرامن جو اينڪر پڻ آهي. هن چيو ته پاڪستاني ء ٻين ايشيائي برادرين کي رياستي وسيلن سان ڳنڍڻ، چئلينجن کي حل ڪرڻ ۽ مختلف سطحن تي انهن جي مسئلن کي اجاڳر ڪرڻ ۽ انهن کي حل ڪرڻ ۾ ھو اهم ڪردار ادا ڪندو. هن چيو ته ورجينيا ۾ 700,000 کان وڌيڪ ايشيائي آمريڪي رهن ٿا، جن ۾ 400,000 هندستاني، پاڪستاني ۽ مسلمان رهواسي شامل آهن، ۽ هو فيصلن تي اثر انداز ٿيڻ ۽ بامعني تبديلي آڻڻ لاءِ انهن برادرين جي اجتماعي طاقت کي استعمال ڪرڻ جي ڪوشش ڪندو. هن آخر ۾ چيو ته سندس مستقبل ۾ ڪوشش ھوندي ته ورجينيا جي ماڻهن کي فائدو ڏيڻ لاءِ ورڪشاپس، ٽائون هال ميٽنگز، ڪاروباري نيٽ ورڪنگ ۽ عالمي رابطن کي فروغ ڏيڻ پنھنجو اھم ڪردار ادا ڪري. تقريب ۾ ٻين آمريڪي عملدارن کان علاوھ منصور قريشي جي والد اڳوڻي پاڪستاني بيوروڪريٽ عبدالرزاق قريشي، سندس خاندان، آمريڪا ۾ رهندڙ مشهور واپاري سيد عاطف علي شاهه، سينئر صحافي، تجزيه نگار ۽ اينڪر اعجاز کوکر، ڪبير کوکر، سيد ريان شاهه پڻ خصوصي طور شرڪت ڪئي. آخر ۾ منصور قريشي ۽ آمريڪا ۾ رهندڙ واپاري سيد عاطف علي شاهه پاران شاندار مانجھاندي جو اھتمام ڪيو ويو.
