تفصيلات موجب، نئين سال جو پهريون مهينو ڪراچي وارن لاءِ ڏکيو ثابت ٿيو، جتي جنوري مهيني دوران ڪراچي جي مختلف علائقن ۾ فائرنگ جي نتيجي ۾ 45 کان وڌيڪ افراد قتل ٿي ويا، جن ۾ 5 خواتين به شامل هيون. پوليس جو چوڻ آهي ته 20 جنوري کي سڀ کان وڌيڪ، يعني 7 ماڻهو قتل ٿي ويا، جڏهن ته 24 جنوري تي مختلف فائرنگ جي واقعات ۾ 5 ماڻهو زندگي گنوا ويا. رپورٽ ۾ ٻڌايو ويو آهي ته جنوري ۾ مختلف علائقن ۾ ڊکيتين جي مزاحمت سبب 5 شهرين جي جان ٿي، جڏهن ته شهر ۾ جھيڙا ۽ دشمنين جي ڪري پڻ فائرنگ ٿي، جنهن سان وڌيڪ ماڻهو قتل ٿي ويا. پوليس آفيسر جو چوڻ آهي ته ڪراچي ۾ فائرنگ جي نتيجي ۾ هڪ خاتون سميت 7 ماڻهن جي شناخت نه ٿيڻ سبب انهن جي لاشون ايدهي سردخاني ۾ رکيا ويا آهن۔
