لاهور جي دهشتگردي جي انت واري عدالت نَو مئي جي واقعن سان لاڳاپيل ٻن ڪيسن، شادمان ٿاڻي ۽ راحت بيڪري ۾ ڀڃ ڊاهه جو محفوظ ٿيل فيصلو ٻڌائي ڇڏيو آهي. هن فيصلي ۾ ڪيترن ئي پاڪستان تحريڪ انصاف (پي ٽي آءِ) جي اڳواڻن کي سزا ۽ ڪجهه کي بري ڪيو ويو آهي فيصلي جا اهم نقطا شاهه محمود قريشي بري: عدالت پي ٽي آءِ اڳواڻ شاهه محمود قريشي کي شادمان ٿاڻي تي ڀڃ ڊاهه ۽ باهيون ڏيڻ جي ٻنهي ڪيسن مان بري ڪري ڇڏيو آهي 10 سال قيد: ڊاڪٽر ياسمين راشد، ميان محمودالرشيد، اعجاز چوڌري ۽ پنجاب جي اڳوڻي گورنر سرفراز چيمه کي 10، 10 سال قيد جي سزا ٻڌائي وئي آهي 5 سال قيد: پي ٽي آءِ اڳواڻن عاليه حمزه ۽ صنم جاويد کي 5، 5 سال قيد جي سزا ملي آهي. ان کان علاوه، عاليه حمزه ۽ صنم جاويد تي هڪ، هڪ لک رپين جو ڏنڊ به وڌو ويو آهي ٻيا فيصلا: عدالت پي ٽي آءِ باني جي گارڊ حافظ ارشد ۽ عائشه ڀٽه کي به 10، 10 سال قيد جي سزا ٻڌائي آهي. شادمان ٿاڻي واري ڪيس ۾ 12 جوابدارن کي بري ۽ 13 کي سزا ملي آهي. راحت بيڪري واري ڪيس ۾ 10 جوابدار بري ٿيا ۽ 7 کي سزا ملي عدالت نابالغن ۽ ننڍي عمر جي جوابدارن کي بري ڪري ڇڏيو آهي. ان کان علاوه، ٻنهي ڪيسن ۾ ڪُل 45 جوابدارن جا ٽرائل ٿيا جن مان 25 گرفتار هئا ۽ 15 اڃا به اشتهاري آهن.
