پنجاب جي وزيراعليٰ مريم نواز خيبرپختونخواهه جي وڏي وزير علي امين گنڊاپور کي ٽيليفون ڪري ٻوڏ سبب صوبي ۾ ٿيل مالي ۽ جاني نقصان تي ڏک جو اظهار ڪيو ۽ عوام جي مدد لاءِ تعاون جو يقين ڏياريو پنجاب جي وزيراعليٰ مريم نواز علي امين گنڊاپور سان ٽيليفون تي ڳالهين جي دوران خيبرپختونخواهه ۾ قيمتي حياتين جي نقصان تي افسوس ۽ متاثر خاندان سان همدردي جو اظهار ڪيو ۽ ريسڪيو هيليڪاپٽر جي حادثي ۾ شهادتن تي تعزيت به ڪئي مريم نواز چيو ته مشڪل جي هن گهڙي ۾ پنجاب حڪومت جي سمورن وسيلن خيبرپختونخواهه حڪومت ۽ عوام جي ڊسپوزل تي آهن. پنجاب جا رهواسي پنهنجي خيبرپختونخواهه جي ڀائرن ۽ ڀينرن جي ڏک ۾ برابر جا شريڪ آهن هن پاڪستان مسلم ليگ(ن) جي صدر ۽ اڳوڻي وزيراعظم نوازشريف جي طرفان به شهادتن تي تعزيت ڪئي. خيبرپختونخواهه جي وڏي وزير علي امين گنڊاپور پنجاب جي وزيراعليٰ کي فون ڪرڻ ۽ تعزيت تي ٿورو ادا ڪيو. علي امين گنڊاپور پنجاب جي وزيراعليٰ طرفان خيبرپختونخواهه جي عوام جي ڀرپور مدد جو يقين ڏيارڻ تي ٿورو به ادا ڪيو.
