اسلام آباد 11 نومبر 2025 تي ڪچهرِي جي ٻاهران ٿيل خودڪش ڌماڪي جي حمله آور ۽ ان جي سهولتڪار جي سڃاڻپ ٿي وئي آهي. ذريعن موجب حمله آور افغانستان سان تعلق رکي ٿو جڏهن ته سهولتڪار باجوڙ مان آهي۔سرچ آپريشن دوران سهولتڪار جي نشاندهي ٿي ۽ اڄ صبح کيس گرفتار ڪيو ويو۔ پوليس موجب حمله آور گولڙه کانڪچهرِي تائين آن لائن بائيڪ سروس استعمال ڪئي ۽ سفر دوران منهن تي ماسڪ پاتو هو۔هن خودڪش ڌماڪي ۾ 12 ڄڻا شهيد ۽ 27 زخمي ٿيا، جيڪي اسپتالن ۾ علاج هيٺ آهن۔ تفتیش جي سلسلي ۾ راولپنڊي ۽ اسلام آباد جي مختلف علائقن مان 5 مشڪوڪ ڄڻن کي به حراست ۾ ورتو ويو آهي۔پوليس حراست هيٺ مشڪوڪ ڄڻن کان الڳ الڳ هنڌن تي تفتیش ڪري رهي آهي ته معلوم ڪري سگهجي ته ڪهڙو سهولتڪار حمله آور جي مدد ڪيئن ڪئي۔
