اسلام آباد:
وڊيو گيمز جي شوقينن پاران سڀ کان وڌيڪ انتظار ڪئي ويندڙ گيم Grand Theft Auto VI (GTA 6) جي امڪاني ڊائون لوڊ سائيز بابت اھم تفصيل سامھون آيا آھن، جن موجب PlayStation 5 تي ھي راند لڳ ڀڳ 210GB جي وڏي واليم سان دستياب ھوندي. نئين نسل (Next-Gen) جي راندين ۾ نمايان حيثيت رکندڙ ھي گيم شاندار گرافڪس ۽ جديد فيچرز سان گڏ متعارف ڪرائي پئي وڃي.
ڊولپر ڪمپني، راڪ اسٽار گيمز (Rockstar Games) پاران ھي راند ھڪ وسيع اوپن ورلڊ ماحول ۾ تيار ڪئي وئي آھي، جتي رانديگرن لاءِ نوان مشن، ڪردار، گاڏيون ۽ اڳ کان وڌيڪ دلچسپ عنصر شامل ڪيا ويا آھن، جيڪي گيمرز کي حقيقت جي ويجھو ھڪ سگھارو ۽ نئون تجربو فراھم ڪندا.
210GB جيتري وڏي ڊائون لوڊ سائيز مان ظاھر ٿئي ٿو تھ راند اندر گرافڪس، نقشا ۽ ڊيٽا ڪيتري اعليٰ معيار جي رکي وئي آھي. PlayStation 5 جي جديد ھارڊويئر ۽ SSD اسپيڊ سبب رانديگر بنا ڪنھن رڪاوٽ جي اعليٰ بصري ڪارڪردگي مان لطف اندوز ٿي سگھندا.
لانچ جي تاريخ ويجھو اچڻ سان گڏ عالمي سطح تي گيمرز جو اتساھھ بھ عروج تي پھچي چڪو آھي، جڏھن تھ راند جي باضابطھ رليز ۽ ٻين فيچرز بابت وڌيڪ حتمي تفصيل پڻ جلد پڌرا ٿيڻ جو امڪان آھي.
