خيبرپختونخواهه جي ضلعي سوات جي علائقي شانگله ۾ دهشتگردن پاران پوليس چوڪي تي حملي ۾ 2 اهلڪار شهيد ۽ 4 زخمي ٿي پيا۔ حملو چڪيسر جي گنانگر پوليس چوڪي تي ڪيو ويو، جتي شهيدن ۾ ايس ايڇ او محمد حسن خان ۽ سپاهي نثار خان شامل آهن، جڏهن ته زخمين ۾ مرزا ارشد اقبال، سپاهي ارشد گنانگر ۽ ٻيا شامل آهن۔ وفاقي گهرو وزير محسن نقوي حملي جي سخت مذمت ڪندي شهيد اهلڪارن کي خراج عقيدت پيش ڪيو ۽ زخمي اهلڪارن جي جلد صحتيابي لاءِ دعا ڪئي۔ هن چيو ته شهيد قوم جو سرمايو آهن ۽ دهشتگردي جي خلاف خيبرپختونخواهه پوليس جو ڪردار اهم آهي۔
