تفصيل موجب اسلام آباد وائلڊ لائيف بورڊ ۽ سي ڊي اي وچ ۾ مارگلا هيلز جي قبضي تي تڪرار هلندڙ هو، وزيراعظم پاڪستان اسلام آباد وائلڊ لائيف بورڊ کي انٽري ڊويزن جي ماتحت ڪري ڇڏيو آهي. وزيراعظم آفيس وائلڊ لائيف بورڊ کي هوم ڊويزن هيٺ آڻڻ جو نوٽيفڪيشن به جاري ڪري ڇڏيو آهي، وائلڊ لائيف بورڊ جا اثاثا ۽ ذميداريون به هوم ڊويزن ڏانهن منتقل ڪرڻ جو حڪم ڏنو ويو آهي. بورڊ کي هدايت ڪئي وئي آهي ته هڪ مهيني اندر ايڊميشن ڊويزن جي شفٽنگ جا سمورا فارملٽيز مڪمل ڪيا وڃن. ذريعن موجب مارگلا هيلز ۾ سي ڊي اي ۽ وائلڊ لائيف مئنيجمينٽ بورڊ وچ ۾ سرحدي تڪرار هو، گذريل ڏينهن سي ڊي اي وائلڊ لائيف مئنيجمينٽ بورڊ جي آفيسن جو به ڪنٽرول سنڀالي ورتو هو. ذريعن جو چوڻ آهي ته اسلام آباد وائلڊ لائيف مئنيجمينٽ بورڊ هاڻي سي ڊي اي جي ماتحت ڪم ڪندو. ياد رهي ته مارگلا هيلز ۾ هن اونهاري ۾ باهه جا ڪيترائي واقعا پيش اچي چڪا آهن.
