اَمريڪي صدر ڊونلڊ ٽرمپ وائٽ هائوس ۾ صحافين سان ڳالهيون ڪندي اقتصادي، واپاري ۽ عالمي سياسي معاملن تي وڏي انگ ۾ اعلان ڪيا، جن مان ڪيترائي بين الاقوامي سطح تي اثر وجهڻ جو امڪان رکن ٿا.
🏗️ مائيڪرو چپس تي 100٪ ٽيرف – آمريڪا کي ٻيهر صنعت جو مرڪز بڻائڻ جو ارادو
صدر ٽرمپ اعلان ڪيو ته مائيڪرو چپس ۽ سيمِي ڪنڊڪٽرز تي 100 سيڪڙو ٽيرف لاڳو ڪيو ويندو، ته جيئن انهن شين جي پيداوار آمريڪا ۾ وڌي ۽ مقامي معيشت کي هٿي ملي.
🇮🇳 ڀارت کي ڌمڪي: روسي تيل نه روڪيو ته واپاري پابنديون وڌنديون
صدر ٽرمپ واضح ڪيو ته جيڪڏهن ڀارت روس کان تيل خريد ڪرڻ جاري رکندو ته ان تي واپاري پابنديون ۽ وڌيڪ ٽيرف لاڳو ڪيا ويندا. هن چيو ته ڀارت تي اڳ ۾ ئي 50٪ ٽيرف لڳايو ويو آهي ۽ مستقبل ۾ سخت قدم کڻڻ جو به امڪان آهي.
🇨🇳 چين به نشاني تي – روس سان واپار تي نئين پابندين جو اشارو
ٽرمپ خبردار ڪيو ته چين جي روس سان لاڳاپن جي نتيجي ۾ ان تي به سخت پابنديون لڳائي سگهون ٿا. روس بابت ٽرمپ چيو ته ٽيرف جو حتمي فيصلو جلد ڪيو ويندو.
📈 معاشي دعوائون: اسٽاڪ مارڪيٽ بلند ترين، مهانگائي گهٽ، پگهارون وڌن پيون
ٽرمپ دعويٰ ڪئي ته سندس حڪومت جي معاشي پاليسين سان اسٽاڪ مارڪيٽ تاريخ جي بلند ترين سطح تي پهتي آهي، مهانگائي گهٽجي وئي آهي ۽ ماڻهن جون آمدنيون وڌن پيون.
🍏 ايپل ۽ وڏيون ڪمپنيون آمريڪا موٽي رهيون آهن
صدر ٻڌايو ته ايپل وڌيڪ 100 ارب ڊالر جي سيڙپڪاري ڪري رهيو آهي ۽ ٻيون به وڏيون ڪمپنيون آمريڪا ۾ ڪارخانا لڳائي رهيون آهن، جنهن سان ملڪ جي خودمختياري، روزگار ۽ آمدني ۾ واڌ متوقع آهي.
🕊️ عالمي سٿ تي دعويٰ: ‘مون 7 جنگيون بند ڪرايون’
صدر ٽرمپ چيو ته هن ايراني، اسرائيلي، ۽ ٻيون 5 جنگيون بند ڪرايون آهن. روسي صدر پيوٽن سان ملاقاتن بابت هن چيو ته ڳالهيون مثبت رهيون، پر ‘اڃا بريڪ ٿرو نه آهي’.
💣 جارجيا ۾ فوجي اڏي تي حملو – 2 ڄڻا زخمي
ٽرمپ ٻڌايو ته جارجيا ۾ فوجي اڏي تي ٿيل حملي ۾ ٻه ڄڻا زخمي ٿيا، جن جي حالت ڳڻتي جوڳي آهي.
🇺🇦 يوڪرين جنگ بابت الزام: ‘هي جنگ جوبائيڊن جي پاليسين جو نتيجو آهي’
صدر الزام هنيو ته يوڪرين-روس جنگ جوبائيڊن جي ناڪام حڪمت عملين جي ڪري شروع ٿي، جيڪا اڃا تائين انساني جاني نقصان جو سبب بڻجي رهي آهي.
