حڪومت پاران گذريل سال 2024 ۾ بار بار دعوے ڪيا ويا هئا ته ملڪ جي معيشيت ترقي جي رستي تي آهي ۽ مهانگائي ۽ غربت گهٽ ٿي رهي آهي، پر عالمي بينڪ جي تازين رپورٽن ان دعوائن کي مڪمل طور تي رد ڪيو آهي ۽ اها رپورٽ حڪومت جي ذميوارن کي ان جاڳرتا ڏيڻ لاءِ ڪافي آهي۔ ورلڊ بينڪ جي رپورٽ موجب، 2024 ۾ پاڪستان ۾ غربت جي شرح 25.3 سيڪڙو رهي، جيڪا 2023 جي ڀيٽ ۾ 7 سيڪڙو وڌيڪ آهي، جنهن مان صاف ظاهر آهي ته 2024 ۾ مهانگائي ۾ اضافو ٿيو آهي۔ رپورٽ ۾ اهو به انڪشاف ڪيو ويو آهي ته گذريل هڪ سال دوران هڪ ڪروڙ 30 لک پاڪستاني غربت جو شڪار ٿي ويا۔ ورلڊ بينڪ جي مطابق، 2019 ۾ غربت جي شرح 21.9 سيڪڙو هئي، جيڪا عالمي وبا “کورونا” سبب وڌي ڪري 24.6 سيڪڙو ٿي وئي، پر کووڊ 19 کان پوء 2 سالن تائين غربت ۾ گهٽتائي آئي ۽ مالي سال 2022 ۾ غربت جي شرح 17.1 سيڪڙو ٿي وئي۔ البت، ان کان پوءِ تباهڪاري آڻيندڙ سيلاب سبب ملڪ جو انفراسٽرڪچر تباهه ٿي ويو، زرعي پيداوار ۾ گهٽتائي ٿي ۽ معاشي بحران جنم وٺڻ سان افراط زر ۽ غربت ۾ وڌيڪ اضافو ٿيو۔
