تهران: China ايران ۽ آمريڪا وچ ۾ جنگ بندي لاءِ پاڪستان جي سفارتي ڪوششن کي ساراهيندي اسلام آباد کي هڪ قابلِ اعتماد ثالث قرار ڏنو آهي.Kang Piao، جيڪو ايران ۾ چين جو سفير آهي، چيو آهي ته ايران ۽ آمريڪا جي وچ ۾ جنگ بندي بابت پاڪستان جو ڪردار قابلِ تعريف آهي ۽ خطي ۾ امن ۽ استحڪام لاءِ اهميت رکي ٿو.چيني سفير چيو ته اختلافن ۽ تڪرارن جو حل ڳالهين ۽ سفارتڪاري ذريعي نڪرڻ گهرجي، ڇاڪاڻ ته پائيدار امن لاءِ مذاڪرات ئي سڀ کان مؤثر رستو آهن. هن وڌيڪ چيو ته چين جو خطي ۾ ڪو ذاتي مفاد ناهي، بلڪه بيجنگ هميشه امن، استحڪام ۽ تعميري سفارتڪاري جي حمايت ڪندو رهيو آهي.سندس چوڻ هو ته عالمي برادري “جهنگ جي قانون” ڏانهن واپس نٿي وڃي سگهي ۽ عالمي مسئلن جي حل لاءِ ضابطن تي ٻڌل عالمي نظام کي وڌيڪ مضبوط بڻائڻ ضروري آهي. هن زور ڏنو ته موجوده عالمي حالتن ۾ گهڻ رخي تعاون (ملٽي ليٽرل ازم) جي اهميت اڳ کان وڌيڪ وڌي چڪي آهي.چيني سفير وڌيڪ چيو ته China ڪنهن به ٻاهرين طاقت کي Iran سان پنهنجي اقتصادي تعاون کي نقصان پهچائڻ جي اجازت نه ڏيندو ۽ ٻنهي ملڪن وچ ۾ اقتصادي لاڳاپن کي وڌيڪ مضبوط بڻائڻ لاءِ ڪوششون جاري رهنديون.
