حافظ آباد ۾ سالگره جي تقريب ۾ ويندڙ عورتن کي مبينا طور هراسان ڪرڻ خلاف وارثن احتجاج ڪيو، جنهن تي مبينا جوابدار پنهنجي پوليس ڪانسٽيبل ڀاءُ کي گهرائي ورتو۔
الزام آهي ته پوليس ڪانسٽيبل وردي ۽ اختيارن جو مبينا ناجائز استعمال ڪندي گهر ۾ داخل ٿيو ۽ عورتن سميت گهرڀاتين تي تشدد ڪيو۔
واقعي جي وڊيو سوشل ميڊيا تي وائرل ٿيڻ کان پوءِ ڊي پي او حافظ آباد فواد احمد واقعي جو فوري نوٽيس ورتو۔
ڊي پي او جي نوٽيس کان پوءِ پوليس ڪارروائي ڪندي ملوث ڪانسٽيبل کي معطل ڪري ڇڏيو، جڏهن ته سندس ڀاءُ سميت ٻنهي مک جوابدارن کي گرفتار ڪيو ويو۔
پوليس موجب ٻين فرار ٿيل جوابدارن جي گرفتاري لاءِ ڇاپا هنيا پيا وڃن ۽ قانون موجب سخت ڪارروائي ڪئي ويندي۔
