اٽڪ جيل ۾ قيد تحريڪ انصاف سربراهه عمران خان سان جيل اهلڪار جي مبينا ڳالهه ٻولهه کانپوءِ سمورن عملدارن جي سڪيورٽي ڪليئرنس وٺڻ جو فيصلو ڪيو ويو، انتظاميا طرفان واٽس ايپ جي استعمال تي به پابندي لڳائي وئي. جيل اهلڪار جي عمران خان سان ٿيل ڳالهه ٻولهه جي رڪارڊنگ ۾ ڪجهه ڳالهيون سامهون آيون آهن، جن کي انتظاميه سمجهڻ کان قاصر آهي اٽڪ جيل ۾ مقرر 150 کان وڌيڪ جيل عملي جي مڪمل بائيو ڊيٽا سڪيورٽي ڪليئرنس لاءِ اسپيشل برانچ ۽ ٻين ادارن کي موڪلي ويندي، اٽڪ جيل ۾ مقرر ملازمن جي سياسي پارٽي سان وابستگي بابت فوري رپورٽون تيار ڪرڻ جا حڪم پڻ جاري ڪيا ويا ٻئي طرف اسلام آباد هاءِ ڪورٽ ۾ پي ٽي آءِ چيئرمين عمران خان جي اڊيالا جيل منتقلي بابت درخواست تي ٻڌڻي ٿي، چيف جسٽس عامر فاروق درخواست تي ٻڌڻي ڪئي وڪيل شير افضل مروت خواجا حارث کي ايف آءِ اي ۾ طلب ڪرڻ جو معاملو اٿاريندي چيو ته ڪالهه انڪوائري جي نالي تي اسان جي ساٿي کي 9 ڪلاڪ ويهڻو پيو. چيف جسٽس رمارڪس ڏيندي چيو ته معاملو منهنجي علم ۾ آيو آهي، مون کي انتظامي پاسي کان ڏسڻ ڏيو، جيڪڏهن ڪجهه ٿيو ته درخواست ڏيندس. شير افضل مروت چيو ته عمران خان کي اٽڪ جيل جي 9/11 سيل ۾ رکيو ويو آهي، ٽرائل ڪورٽ جي فيصلي ۾ کيس اڊيالا جيل منتقل ڪرڻ جو چيو ويو آهي.
پي ٽي آءِ چيئرمين کي گهر گهر کاڌو پهچائڻ ڏنو وڃي. عدالت وفاق ۽ پنجاب حڪومت کان جيل سهولتن ۽ منتقلي بابت جواب طلب ڪري ورتو. سنڌ هاءِ ڪورٽ حڪم ڏنو ته قيدين جي جيل منتقلي جو فيصلو ڪير ڪري، پڇو ۽ ٻڌايو؟ چيف جسٽس قرار ڏنو ته طبيعت خراب هجڻ سبب سڀاڻي پيش نه ٿي سگهان، عدالت ڪيس جي ٻڌڻي جمعي تائين ملتوي ڪري ڇڏي.
