خيرپور ۾ گذريل ڏينهن ڪارنهن تڪرار تان شيخ برادري جي ٻن ڌرين ۾ جهيڙي سبب زخمي ٿيل سپريئر سائنس ڪاليج جو پٽيوالو گل بيگ شيخ زخمن جا سور نه سهندي سول اسپتال ۾ فوت ٿي ويو جنهن کانپوءِ فوتين جو انگ وڌي چار ٿي ويو آهي ٻئي پاسي واقعي ۾ قتل ٿي ويل سپريئر سائنس ڪاليج جي شاگرد شاهزيب شيخ ۽ پٽيوالي گل بيگ شيخ جي قتل خلاف سپريئر سائنس ڪاليج جي استادن ۽ شاگردن طرفان ڪاليج سامهون پراڻي قومي شاهراهه تي احتجاجي مظاهرو ڪري نعريبازي ڪئي مظاهرين ايس ايس پي خيرپور مير روحل کوسو کان مطالبو ڪيو ته واقعي ۾ ملوث جوابدارن خلاف ڪيس داخل ڪري کين گرفتار ڪيو وڃي ياد رهي ته خيرپور ۾ گذريل ڏينهن بي سيڪشن ٿاڻي جي حد ڳوٺ ڪيهر شيخ ۾ سڱاوتي تڪرار تان شيخ برادري جي ٻن ڌرين ۾ جهيڙي دوران گوليون لڳڻ سبب 3 ڄڻا محمد نواز شيخ، اڏيل شيخ ۽ شاگرد شاهزيب شيخ مارجي ويا هئا جڏهن ته حسن رضا، گل بيگ سميت چار ڄڻا زخمي ٿي پيا هئا. واقعي جو ڪيس داخل نه ٿي سگهيو آهي اسپتال ۾ دم ڏيندڙ زخمي گل بيگ شيخ سائنس ڪاليج خيرپور جو پٽيوالو هو، سندس قتل خلاف شاگردن ۽ استادن قومي شاهراهه تي احتجاجي مظاهرو ڪندي ڌرڻو هنيو. ڌرڻي دوران مظاهرين طرفان قاتلن کي گرفتار ڪرڻ جو مطالبو ڪيو ويو آهي
53
