کاڻوٺ ڀرسان ڳوٺ انب کوسو وٽ انڊس ھاءِ وي تي دادو کان ڄامشورو ڏانهن ويندڙ مسافر وين روڊ جو ڪم ڪندڙ رولر مشين سان ٽڪرائجي وئي. جنهن جي نتيجي ۾ 7 مسافر سخت زخمي ٿي پيا وڊ حادثو ٿيندي ئي وڏي تعداد ۾ ڳوٺاڻن پھچي وين ۾ ڦاٿل زخمي مسافرن کي وين مان ٻاھر ڪڍيو، جنهن بعد موٽروي پوليس ۽ کاڻوٺ پوليس طرت نه پھچڻ تي مسافر روڊ ڀرسان ڪيتري ئي وقت تائين تڙپندا رهيا جنهن کانپوءِ کاڻوٺ پوليس واقعي واري جاءِ تي پھچي زخمين کي پوليس موبائيل ۾ وجهي لمس اسپتال ڄامشورو منتقل ڪيو. جتي زخمين کي طبعي امداد ڏني پئي وڃي جڏهن ته زخمين ۾ وين ڊرائيور سميت ٽن ڄڻن جي حالت ڳڻتي جوڳي ٻڌائي پئي وڃي.
