اليڪشن ڪميشن عوامي نيشنل پارٽي کي چونڊن جي لاءِ لالٽين جو نشان ڏئي ڇڏيو آهي. ان سان گڏ ئي ڏنڊ سان 4 مهينن ۾ پارٽي چونڊون ڪرائڻ جو حڪم پڻ ڏنو ويو آهي انٽرا پارٽي چونڊ ڪيس ۾ اي اين پي جي درخواست مڃيندي اليڪشن ڪميشن عوامي نيشنل پارٽي کي لالٽين جو نشان ڏيڻ جو فيصلو ڪري ورتو جنهن ۾ چيو ويو آهي ته عام چونڊن جو شيڊول ڏنو ويو آهي. عوامي نيشنل پارٽي 10 مئي تائين پارٽي چونڊون ڪرائي ياد رهي ته عوامي نيشنل پارٽي اڃان تائين انٽرا پارٽي چونڊون ناهن ڪرايون جنهن تي اليڪشن ڪميشن اسفنديار ولي کي نوٽيس پڻ جاري ڪيو هو. نوٽيس جاري ٿيڻ کان پوءِ اي اين پي اليڪشن ڪميشن کان وڌيڪ مهلت گهري ورتي هو ياد رهي ته اليڪشن ڪميشن پي ٽي آءِ کان به انٽرا پارٽي چونڊن جي معاملي تي چونڊ نشان الاٽ نه ڪيو هو. جڏهن ته 13 ٻين سياسي پارٽين کي انٽرا پارٽي چونڊون نه ڪرائڻ تي ڊي لسٽ ڪري ڇڏيو آهي. اليڪشن ايڪٽ 2018 جي سيڪشن 210-209-208 جي تحت سياسي پارٽي چونڊون ڪرائڻ ۾ ناڪام رهيون.
