اڊيالا جيل ۾ قيد پاڪستان مسلم ليگ (ن) جي سربراهه، اڳوڻي گهرو وزير ۽ اين اي 56 پنڊي مان اميدوار شيخ رشيد احمد جي طبيعت خراب ٿي وئي، جنهن سبب کيس اسپتال داخل ڪيو ويو. راولپنڊي انسٽيٽيوٽ آف ڪارڊيالوجي منتقل ڪيو ويو آهي، اڳوڻي گهرو وزير خلاف نيو ٽائون ٿاڻي ۾ 9 مئي سانحي جي سلسلي ۾ داخل ڪيس ۾ دهشتگردي جي انت واري عدالت سندس عبوري ضمانت رد ڪري ڇڏي، جنهن سبب کيس گذريل هفتي گرفتار ڪري آندو ويو هو. ذريعن جو چوڻ آهي ته شيخ رشيد جي طبيعت ڪيترن ئي ڏينهن کان خراب هئي ۽ ڪالهه عدالت کيس ڪارڊيالوجي اسپتال منتقل ڪرڻ جي درخواست به ڪئي هئي، جڏهن ته رات دير سان طبيعت خراب ٿيڻ سبب کيس اڄ صبح اسپتال منتقل ڪيو ويو هو. دهشتگردي ٽوڙ عدالت جيل سپرنٽينڊنٽ کي شيخ رشيد کي اسپتال منتقل ڪرڻ جو به حڪم ڏنو هو، شيخ رشيد جو ڀائٽيو شيخ رشيد شفيق، ٻيا گهر ڀاتي ۽ ڪارڪن راولپنڊي انسٽيٽيوٽ آف ڪارڊيالوجي پهچي ويا آهن، اڳوڻي گهرو وزير جي ڀائٽي راشد شفيق جو چوڻ هو ته شيخ رشيد ڪينٽ ۽ عارف بازار ٿاڻي ۾ داخل ٻن وڌيڪ ڪيسن ۾ گرفتار جوابدار صداقت عباسي کان قلم 164 تحت پڇا ڳاڇا به ڪئي وئي آهي.
