تفصيل موجب اليڪشن ڪميشن ضابطا اخلاق جي ڀڃڪڙي تي سخت ڪارروائي ڪندي مجموعي طور 24 اميدوارن ۽ مڪاني ادارن جي چيئرمينن ۽ ضلعي چيئرمينن تي ڏنڊ لاڳو ڪيو ضلعي مانيٽرنگ آفيسر بنون پي ڪي 99 تان اي اين پي جي اميدوار نوراني خان کي 10 هزار رپيا ڏنڊ لاڳو ڪري ڇڏيو ڊسٽرڪٽ مانيٽرنگ آفيسر مانسهره پي ڪي 39 جي اميدوار اڪرام الله غازي تي 10 هزار رپيا ڏنڊ لاڳو ڪري ڇڏيو، پر اميدوارن ريٽرننگ آفيسرن پاران لڳايو ويو ڏنڊ سرڪاري خزاني ۾ جمع ڪرائي ڇڏيو پنجاب ۾ ڊسٽرڪٽ مانيٽرنگ آفيسر ملتان پي پي 214 جي اميدوارن شهزاد مقبول ڀٽي ۽ محمد شريف راجپوت تي 15-15 هزار ڏنڊ لڳايو ڊسٽرڪٽ مانيٽرنگ آفيسر ليه پي پي 282 جي اميدوار اسامه گجر تي 20 هزار ڏنڊ لاڳو ڪري ڇڏيو ٻئي طرف مختلف ضلعن ۾ ضلعي مانيٽرنگ آفيسر ضابطه اخلاق جي ڀڃڪڙي ڪرڻ تي 7 اميدوارن کي نوٽيسز ذريعي طلب ڪري ورتو آهي چئني صوبن ۽ اسلام آباد ۾ روزاني جي بنياد تي پابندي مڙهيل اشتهاري هورڊنگز ۽ ٻيو مواد هٽايو پيو وڃي، چئني صوبن ۾ هن وقت تائين مختلف خلاف ورزين تي 71 اميدوارن ۽ ٻين کي نوٽيس جاري ڪيا ويا آهن ڊسٽرڪٽ مانيٽرنگ آفيسر مردان اين اي 23 جي اميدوار عاقب اسماعيل کي 50 هزار رپيا ڏنڊ لاڳو ڪري ڇڏيو.
