وزيراعظم شهباز شريف وفاقي ڪابينه جو انتهائي اهم اجلاس سڀاڻي طلب ڪر يورتو آهي. ذريعن موجب وزيراعٿظم شهباز شريف جي صدارت هيٺ ٿيندڙ وفاقي ڪابينه جي اجلاس ۾ پي ٽي آءِ تي پابندي بابت منظوري ورتي ويندي. ذريعن ٻڌايو آهي ته وفاقي ڪابينه جي اجلاس ۾ پي ٽي آءِ باني چيئرمين عمران خان، اڳوڻي صدر عارف علوي ۽ اڳوڻي قومي اسيمبلي جي ڊپٽي اسپيڪر قاسم سوري جي خلاف آرٽيڪل 6 جي تحت ڪارروائي جي منظوري به ورتي ويندي ياد رهي ته ڪجهه ڏينهن اڳ وفاقي اطلاعات واري وزير عطا تارڙ اسلام آباد ۾ پريس ڪانفرنس ڪندي چيو هو ته حڪومت پي ٽي آءِ تي پابندي لڳائيندي ۽ عمران خان، عارف علوي ۽ قاسم سوري تي آرٽيڪل 6 جي تحت غداري جو ڪيس هلائڻ جو فيصلو ڪيو آهي. انهي فيصلي تي مسلم ليگ(ن) جي اتحادين طرفان اعتراض اٿاريندي چيو ويو هو ته حڪومت انهي معاملي تي اسان کي اعتماد ۾ ناهي ورتو جنهن تي وزيراعظم شهباز شريف اتحادين کي اعتماد ۾ وٺڻ جي لاءِ مسلم ليگ(ن) جي هڪ ڪميٽي جوڙي هئي.
