تفصيل موجب آمريڪي پرڏيهي کاتي جي ترجمان ميٿيو ملر پريس ڪانفرنس ڪندي چيو ته اقتدار جي پرامن منتقلي اسان جي جمهوريت جو لازمي عنصر آهي، اقتدار جي پرامن منتقلي قوم جي سلامتي لاءِ ضروري آهي. آمريڪي پرڏيهي کاتي جي ترجمان جو چوڻ هو ته اسان وٽ ڪافي ڏينهن آهن ته غزه ۾ يرغمالين کي آزاد ڪيو وڃي ۽ تڪرار کي پکڙجڻ کان روڪيو وڃي. صحافي سوال ڪيو ته پاڪستان ۽ ڀارت سميت ڪيترائي ملڪ آمريڪي چونڊ نتيجن تي جشن ملهائي رهيا آهن، ڇا ماڻهن جو خيال آهي ته ٽرمپ پي ٽي آءِ جي باني کي جيل مان ڪڍي ڇڏيندو؟ جنهن تي ميٿيو ملر جواب ڏنو ته مان چونڊن جي نتيجن تي ڪنهن به صورت ۾ اندازو نه لڳائيندس. بريفنگ دوران صحافي سوال ڪيو ته ڇا بائڊن آفيس ڇڏڻ کان اڳ اربين ڊالر يوڪرين موڪلڻ جو ارادو رکي ٿو. ان ڪري آمريڪي ترجمان چيو ته اسان يوڪرين کي مختص ڪيل رقم سال جي پڄاڻي کان اڳ فراهم ڪرڻ چاهيون ٿا. ترجمان سان ڳالهه ٻولهه ۾ صحافي چيو ته اسان اوهان کي ۽ ويدانتا کي ياد ڪنداسين، اوهان آمريڪي قدرن جو حقيقي عڪس آهيو، اوهان پرڏيهي صحافين سان جيڪو سلوڪ ڪيو اهو قابل تعريف آهي، آمريڪي پرڏيهي کاتي جي ترجمان چيو ته اوهان به ڏاڍا مهربان آهيو. مان توکي به ياد ڪندس.
