تفصيل موجب پنجاب جي اڪثر ميداني علائقن ۾ ڪوهيڙو پکڙجي ويو آهي، ڪوهيڙي سبب قومي شاهراهه تي ويزيبلٽي تمام گهٽ ٿي وئي آهي، جنهن سبب موٽر وي جا مختلف حصا ٽريفڪ لاءِ بند ڪيا ويا آهن. موٽر وي ايم 2 لاهور کان شيخوپوره، ايم فورگوجره کان عبدالحڪيم، موٽر وي ايم 3 لاهور کان جڑانوالا ۽ فيض پور کان درخاني تائين ڪوهيڙي سبب بند ٿي ويا. موٽر وي پوليس جي ترجمان جو چوڻ آهي ته موٽر ويز کي عوام جي حفاظت ۽ محفوظ سفر کي يقيني بڻائڻ لاءِ بند ڪيو ويو آهي، روڊ استعمال ڪندڙن کي گهرجي ته هو ڏينهن جي پِڪ ڪلاڪن ۾ سفر ڪرڻ کي ترجيح ڏين. ترجمان چيو ته دھند واري موسم ۾ صبح 10 وڳي کان شام 6 وڳي تائين سفر جو بهترين وقت آهي، روڊ استعمال ڪندڙ فرنٽ ۽ ريئر فوگ لائيٽ استعمال ڪن. ٻئي طرف شيخوپوره ۾ دھند سبب ٽريفڪ جا حادثا وڌي ويا آھن، هارين مينار مٽ وٽ ڪيترائي گاڏيون ٽڪرائجي ويون، حادثي ۾ 5 ڄڻا زخمي ٿي پيا. ٻئي واقعي ۾ ٽوبا ٽيڪ سنگهه موٽر وي ايم 4 تي ڪوهيڙي سبب مسافر وين، ڪار ۽ ٽرالر ۾ ٽڪر جي نتيجي ۾ 6 ڄڻا زخمي ٿي پيا، جڏهن ته ڦول نگر ۾ مسافر وين جو ٽرالر سان ٽڪر ٿيڻ جي نتيجي ۾ 3 ڄڻا زخمي ٿي پيا. ياد رهي ته لاهور ۽ ملتان سميت پنجاب جي ڪيترن ئي شهرن ۾ سموگ جي شدت برقرار آهي، آلوده هوا ۾ ساهه کڻڻ انساني صحت لاءِ خطرناڪ بڻجي ويو آهي.
