لوئر چترال پوليس عوام ۽ پوليس وچ ۾ رابطن کي بھتر بڻائڻ لاءِ ضلعي جي سمورن ٿاڻن تي مددگار اھلڪار مقرر ڪرڻ جو باضابطا حڪم جاري ڪري ڇڏيو آھي. ان قدم جو مقصد شھرين کي سھولت، مناسب رھنمائي ۽ بروقت قانوني مدد فراھم ڪرڻ آھي.سرڪاري پڌرائي موجب، علائقائي پوليس آفيسر ملاڪنڊ زاھد نواز مروت جي حڪمن ۽ ڊسٽرڪٽ پوليس آفيسر لوئر چترال محمد خالد خان جي ھدايتن تي ٿاڻن جي عملي کي عوام سان عزت ۽ نرميءَ سان پيش اچڻ جون ھدايتون ڏنيون ويون آھن.پوليس انتظاميا موجب، ٿاڻن تي ايندڙ شھرين، ٻارن، عورتن ۽ بزرگن جي رھنمائي لاءِ خاص اھلڪار موجود رھندا. اھي اھلڪار فريادين کي درخواستون لکڻ ۽ لاڳاپيل آفيسرن تائين پھچائڻ ۾ مدد فراھم ڪندا.ڊسٽرڪٽ پوليس آفيسر جو چوڻ آھي تھ پوليس جي روين ۾ مثبت تبديلي آڻڻ وقت جي اھم ضرورت آھي، جڏھن تھ عوام جي جان ۽ مال جو تحفظ پوليس جي پھرين ترجيح آھي.مقامي شھرين ۽ سماجي اڳواڻن طرفان ان قدم جي آجيان ڪئي وئي آھي. سندن چوڻ آھي تھ اھڙن قدمن سان ٿاڻن ۾ عوام کي پيش ايندڙ ڏکيائين ۽ شڪايتن جي ازالي ۾ مدد ملندي.
