تفصيل موجب پي ٽي آءِ باني پاران اسلام آباد ۾ احتجاج جي سڏ تي جهلم، اٽڪ ۽ چکوال ۾ رينجرز جي مقرري جي منظوري ڏني وئي. رينجرز جا ٻه ونگ اٽڪ ۾، رينجرز جو هڪ ونگ جهلم ۾ به مقرر، ٽن ضلعن ۾ 2100 رينجرز اهلڪار سيڪيورٽي لاءِ مقرر ڪيا ويندا. گهرو سيڪريٽري طرفان رينجرز جي مقرري لاءِ وفاقي گهرو وزير کي خط لکيو ويو آهي. راولپنڊي ۾ 5 هزار کان وڌيڪ پوليس اهلڪار سڪيورٽي ڊيوٽي تي هوندا، هڪ هزار پوليس اهلڪار ٻين ضلعن مان اڄ راولپنڊي پهچندا. مري روڊ، مري چوڪ، لياقت باغ ۽ ڪميٽي چوڪ، چاندني چوڪ، رحمان آباد، فيض آباد تي ڪنٽينر لڳائي پوليس اهلڪارن کي مقرر ڪيو ويندو. ڪرال چوڪ، اسلام آباد ايڪسپريس وي جي مختلف علائقن ۾ ڪنٽينر لڳايا ويندا، جڏهن ته راولپنڊي پوليس کي اضافي ڳوڙها گيس جا شيل، ربر جون گوليون ڏنيون وينديون. گوليون ۽ بندوقون ڏنيون ويون آهن. واضح رهي ته اسلام آباد پوليس پي ٽي آءِ خلاف ڪريڪ ڊائون جو فيصلو ڪندي چونگي نمبر 26 جي چوڌاري گرينڊ آپريشن ڪرڻ جو فيصلو ڪيو آهي ۽ پي ٽي آءِ ڪارڪنن جي گرفتاري لاءِ ٽيمون به جوڙي ورتيون آهن.
