تفصيلن مطابق، قومي اسيمبلي جي قائمہ ڪميٽي براءِ خوراڪ و تحفظ جي اجلاس ۾ حڪام ٻڌايو ته گوادر ۾ گدھين جو سلاٽر هائوس قائم ڪيو ويو آهي ۽ پيداوار پڻ شروع ٿي چڪي آهي، ۽ گوادر ۾ هڪ چيني ڪمپني ان ڪم کي انجام ڏئي رهي آهي. قائمہ ڪميٽي جي ميمبر رانا محمد حيات چيو ته پاڪستان ۾ گدھين جو استعمال گهٽجي رهيو آهي، لوڊرز رکشائن ان جي جگهَ وٺي رهيون آهن، ۽ چڱي نسل جي گدھين جي بريڊنگ ڪئي وڃڻ گهرجي. چيئرمين قائمہ ڪميٽي پڇيو ته زندہ گدھين کي چين ايڪسپورٽ ڇو نٿا ڪن؟ جنهن تي وزارت خوراڪ و تحفظ جي حکام ٻڌايو ته زندہ گدھين جي ايڪسپورٽ هڪ مشڪل ڪم آهي. انهن چيو ته ملڪ جي ٻين حصن ۾ پڻ گدھين جي سلاٽر هائوس لاءِ درخواستون اچي رهيون آهن ۽ وڌيڪ چيني ڪمپنين سان ڳالهين جو عمل جاري آهي. وزارت خوراڪ جي حکام قومي اسيمبلي جي قائمہ ڪميٽي براءِ فوڊ سڪيورٽي کي ٻڌايو ته چين سان گدھين جي کالائن ۽ هڏين جي برآمد جو معاهدو ڪيو ويو آهي. ياد رهي ته گذريل سال اقتصادي سروي ۾ چيو ويو هو ته ملڪ ۾ هڪ سال دوران هڪ لک گدھيون وڌيون، ۽ گدھين جي تعداد 58 لک کان وڌي 59 لک تائين پهچي وئي آهي. اقتصادي سروي مطابق، سال 2021-22 ۾ گدھين جي تعداد 57 لک هئي، جنهن ۾ ٻن سالن ۾ ٻن لک جو اضافو ٿيو آهي.
