پريالوءِ: پريالوءِ ۾ وڌندڙ بدامني ۽ امن امان جي خراب صورتحال خلاف جميعت علماء اسلام پريالوءِ ۽ ديوان برادري پاران احتجاجي ريلي ڪڍي وئي. ريلي ۾ سوين ماڻھن شرڪت ڪئي ۽ انتظاميا خلاف سخت نعريبازي ڪئي وئي. ريلي شهر جي مرڪزي چوڪ کان شروع ٿي ۽ مختلف رستن کان ٿيندي پريس ڪلب اڳيان پهتي، جتي جميعت جي اڳواڻن خطاب ڪيو. اڳواڻن جو چوڻ هو ته وڌندڙ ڏوهن ۽ چورين سبب شهري خوف ۾ مبتلا آهن ۽ انتظاميا جي نااهلي سبب عوام کي تحفظ فراهم ڪرڻ ۾ مڪمل طور تي ناڪام ٿي چڪي آهي. هنن مطالبو ڪيو ته فوري طور تي امن امان بحال ڪيو وڃي ۽ بدامني ۾ ملوث عنصرن خلاف سخت ڪارروائي ڪئي وڃي. عوام ۾ وڌندڙ بيچيني کي نظر ۾ رکندي، ريلي ۾ شرڪت ڪندڙن اعلان ڪيو ته جيڪڏهن مسئلا حل نه ڪيا ويا ته وڌيڪ احتجاجي تحريڪ شروع ڪئي ويندي
