ڪراچي جي مقامي عدالت مبينا جعلي پوليس مقابلي واري ڪيس جو فيصلو ٻڌائيندي مک جوابدار پوليس اھلڪار کي موت جي سزا، جڏھن تھ ٻن ٻين جوابدارن کي عمر قيد جي سزا ٻڌائي ڇڏي آھي.تفصيل موجب، ڪراچي ۾ ھڪ نوجوان جي مبينا جعلي پوليس مقابلي ۾ مارجڻ واري واقعي کانپوءِ سندس وارثن انصاف لاءِ عدالت سان رابطو ڪيو ھو. وارثن جي شڪايت تي واقعي جي جاچ شروع ڪئي وئي، جنھن دوران شاھدن جا بيان ۽ ٻيا ثبوت گڏ ڪيا ويا.جاچ دوران سامھون آيل شاھدين ۽ فرانزڪ رپورٽن جي بنياد تي پوليس جي شروعاتي موقف تي سوال اٿيا. پراسيڪيوشن عدالت ۾ موقف اختيار ڪيو تھ جوابدارن پنھنجي اختيارن جو ناجائز استعمال ڪندي نوجوان کي قتل ڪيو ۽ واقعي کي پوليس مقابلي جو رنگ ڏيڻ جي ڪوشش ڪئي.ڪيس جي ٻڌڻي دوران پراسيڪيوشن پاران شاھدن جا بيان ۽ فرانزڪ رپورٽون پيش ڪيون ويون. عدالت سمورا ثبوت جاچ دوران سامھون آيل شاھدين ۽ فرانزڪ رپورٽن جي بنياد تي پوليس جي شروعاتي موقف تي سوال اٿيا. پراسيڪيوشن عدالت ۾ موقف اختيار ڪيو تھ جوابدارن پنھنجي اختيارن جو ناجائز استعمال ڪندي نوجوان کي قتل ڪيو ۽ واقعي کي پوليس مقابلي جو رنگ ڏيڻ جي ڪوشش ڪئي.ڪيس جي ٻڌڻي دوران پراسيڪيوشن پاران شاھدن جا بيان ۽ فرانزڪ رپورٽون پيش ڪيون ويون. عدالت سمورا ثبوت ۽ ڌرين جا دليل ٻڌڻ کانپوءِ مک جوابدار کي موت ۽ ٻن ٻين جوابدارن کي عمر قيد جي سزا ٻڌائي.عدالت پنھنجي فيصلي ۾ واضح ڪيو تھ قانون لاڳو ڪندڙ ادارن جي ذميواري شھرين جي جان ۽ مال جو تحفظ ڪرڻ آھي. ڪنھن بھ اھلڪار کي قانون کان مٿانھون سمجھي نٿو سگھجي ۽ اختيارن جو ناجائز استعمال قانوني ڪارروائي جو سبب بڻجي سگھي ٿو.فيصلي کانپوءِ مقتول نوجوان جي وارثن اطمينان جو اظھار ڪندي چيو تھ عدالتي فيصلو سندن نقصان جو ازالو تھ نٿو ڪري سگھي، پر کين انصاف ملڻ جو احساس ضرور ٿيو آھي.قانوني ماھرن موجب، اھڙن ڪيسن ۾ شفاف جاچ، مضبوط ثبوت ۽ قانون موجب عدالتي ڪارروائي پوليس نظام ۾ جوابدھي ۽ عوام جي اعتماد لاءِ اھم حيثيت رکن ٿا.
