ڪنڌڪوٽ رپورٽ عبدالخالق چاچڙ،ڪنڌ ڪوٽ جي رھائشي شیر محمد ولد حسين بخش ملڪ مير پور ماٿيلو جي رھائشي بختاور ولد محراب خان ملڪ سان ڪنڌڪوٽ جي عدالت سيشن ڪورٽ ۾ پيار جو پرڻو ڪري ڇڏيو آهي. پيار جو پرڻو ڪندڙ جوڙي بختاور ميڊيا سان ڳالهائيندي چيو ته اسان کي موت مار ڌمڪيون ملي رهيون آهن ۽ اسان جي جان کي خطرو آهي اسان پنهنجي رضا خوشيءَ سان شريعت موجب نڪاح ڪيو آهي. مان ٽن سالن کان وٺي پنهنجي ماءُ پيءُ جي گهر رھندي ھيس ۽ منهنجو پھريون مڙس مونکي ٽي سال اڳ ڇڏي ويو هو. ۽ ھاڻي اسان جي جان جا دشمن ٿي ويا آهن. ۽ مان پنهنجي رضا خوشيءَ سان بغير ڪنهن ڌمڪائڻ جي ۽ پنهنجي ھوش حواس سان پنهنجي گهران صرف ٽن ڪپڙن سان نڪري شير محمد ملڪ سان ڪنڌڪوٽ جي عدالت ۾ پسند جو پرڻو ڪيو آهي. ۽ مونکي ڪنهن به اغوا ناهي ڪيو ۽ منهنجي مڙس تي ڪوڙا ڪيس داخل ڪيا ويا آهن. شير محمد ملڪ ميڊيا سان ڳالهائيندي چيو ته اسان ڪنڌڪوٽ جي عدالت ۾ پيار جو پرڻو ڪيو آهي ۽ اسان ڪوڙا ڪيس داخل ڪيا ويا آهن ۽ منهنجي ڀاءُ کي گرفتار ڪيو ويو آهي. ۽ اسان کي موت مار ڌمڪيون ڏنيون پيون وڃن. اسين آء جي سنڌ ڊي آئي جي لاڙڪاڻو ايس ايس پي ڪشمور کان اپيل ڪيون ٿا ته اسان جي زندگي بچائي وڃي ۽ اسان کي تحفظ فراهم ڪيو وڃي. ۽ اسان تي ڪوڙا ڪيس ختم ڪيا وڃن.
