پريالوءِ (رپورٽ) ــ جميعت طلباءِ اسلام ضلع خيرپور جي اڳواڻن وقار احمد ڀٽو (ضلعي صدر) ۽ خادم حسين ڀلڪاڻي (ضلعي جنرل سيڪريٽري) جي نگراني ۾ ڪاروانِ بيداري جي حوالي سان گڏجاڻي ڪئي وئي.گڏجاڻي دوران اڳواڻن ميڊيا سان ڳالهائيندي چيو ته ضلع خيرپور جي مختلف تعلقن ۽ علائقن ۾ ڪاروانِ بيداري جون گڏجاڻيون نوجوان نسل کي اسلامي عقائد، تنظيمي شعور ۽ صحيح پيغام ڏيڻ لاءِ منعقد ڪيون وينديون.انهن وڌيڪ زور ڏنو ته تعليمي ادارن ۾ شاگردن کي ڄاڻي واڻي اسلام جي تعليم کان پري رکيو پيو وڃي، تنهن ڪري هر علائقي ۾ بنيادي اسلامي عقائد ۽ فڪري سجاڳي جي حوالي سان گڏجاڻيون ضروري آهن.گڏجاڻي دوران اڳواڻن چيو ته پريالوءِ ۽ پيرجوڳوٺ ۾ منشيات جو وڌندڙ استعمال نوجوان نسل لاءِ خطرناڪ صورتحال پيدا ڪري رهيو آهي، جنهن جي روڪٿام لاءِ منشيات فروشن خلاف باقائده مهم شروع ڪرڻ جو اعلان ڪيو ويو.
